मनोज बनैता, लाहान, ३ जेठ । जिल्ला प्रशासनले निषेधाज्ञा जारी गरेता पनि लाहान बजार मा त्यसको खासै असर देखिएको छैन । लकडाउन(बन्दाबन्दी) खुकुलो भए संगै केही अटेरी सुनचाँदी पसले ले भने आंशिक रुपमा पसल खोल्न थालेका छन । समाजिक दुरीको ख्यालै नगरी सुनचाँदी बिक्रीवितरण हुँदै गरेको एक गोप्य स्रोतले जानकारी दिएको छ ।
सरकारले खाद्यान्न लगायत अतिआवश्यक पसल खोल्न छुट दिएपनी लाहानमा भने अधिकांस पसलहरु र होटेलहरु खुल्ने गरेको खबर प्राप्त भएको छ । लाहान नजिकैको गा.पा मा एक ब्यक्ति कोरोना पोजेटिभ देखिएपछि यहाँका स्थानीय चिन्तित छन । लाहान कै दक्षिणवर्ती गाउँकि एक महिला मुनरी देवी आफ्ना आफन्तलाई लिएर लाहान बजारमा सुन किन्न आएको बेला हामीले उनीलाई प्रश्न गर्यौ ।
प्रश्न:- तपाईहरु यो ग्रुप बनाएर लाहानमा किन घुमिरहनु भएको छ? बजार बन्द भएको थाहा छैन?
जवाफ आउँछ: हामी सुनचाँदी किन आएकी छौ । बजार खुलेको भनी हामीले थाहा पायौं । हाम्रै गाउँका ले अस्ति भर्खर चाँदी किनेर लगे ।
तोलामा २/४ सय बढी लिएर सुनचाँदी व्यापार गरि लाहानलाई कोरोनाको उच्च जोखिममा ल्याउनु अमानवीय हो । यसमा सरोकारवाला निकाय सुनचाँदी ब्यवसाय लगायत स्थानीय प्रहरी प्रशासनले ध्यान दिनु अति जरुरी देखिन्छ ।
