मनोज बनैता, सिरहा, ४ जेठ । देशको सीमा सुरक्षा गर्न नसक्ने यो सरकार आजसम्मकै सबैभन्दा असफल सरकार भएको आरोप जनता समाजवादी पार्टीका नेता राजेन्द्र महतोले लगाएका छन । संघिय संसदमा बोल्दै नेता महतोले ओली सरकार ले गफ ठुलो गरेपनि सीमा सुरक्षा सम्बन्धि संबेदनसिल मामिलामा हालसम्म केही उपलब्धि गर्न नसकेको बताएका छन । शुक्रबार संघीय संसदमा प्रस्तुत भएको नीति तथा कार्यक्रम माथि शुरु भएको छलफलमा भाग लिदै नेता महतोले यस्तो भनेका हुन ।
मधेशी दलहरु सीमा अतिक्रमणबारे केहि नबोलेको प्रसंग उठाउँदै उनी सरकार माथी आक्रोश पोखेका थिए । उनले वर्तमान सरकार असफल मात्र नभई अपराधी पनि हो भन्दै जङ्गिएका थिए । २७६ बुँदामा आएको नीति तथा कार्यक्रमले महामारी को कहरले पिरोलिएकाहरुको भावनालाई समेट्न नसकनु दु:खद भएको बताए । महतोले वर्तमान सरकार झिनामसिना कुरातिर लागेर आफ्नो कुर्सी बचाउने खेलमा लागेको पनि आरोप लगाएका छन ।
