मनोज बनैता, लाहान, ४ जेठ । महिनौं देखि चलेको लकडाउनका कारण दैनिक जीवन प्रभावित भएको छ। स्थानीय सरकार निदाएको अवस्था रहदाँ को बेला भने महेश चौधरी र उनको श्रीमति संगीता कर्माचार्य भने अहोरात्र खटेर गरिब, ज्यालादारी लगायत लाहानका सम्पुर्ण विपन्नलाई अन्न दान गरि गरिबी को घाउमा मलहम लगाउने काम गरिरहेको अवस्था छ ।
अधबैंसे यी जोडी मधेसको चर्को घाम झेलेर पनि समाज सेवामा आफुलाई समर्पित गरेको स्थानीयले बताउछन् । हुनेखाने परिवारको यो दम्पती घरमै बसी आनन्दले समय बिताउन सक्ने भएपनि उनीहरु दिनभर लाहान नगरको बिपन्न वस्तीमा उनीहरूको अवस्था बुझ्दै खाद्यान्न जोहो गर्न लागेका छन ।
सस्तो लोकप्रियताको लागि धेरैले खाद्यान्न बितरण शुरु गरे र दुई चार दिनको मिडियाबाजी पछि बन्द गरे तर यी जोडीलाई न मिडियाबाजीको चाहना छ न कुनै कुर्सीको । चौधरीको अनुसार उनी आफ्नो आत्म सन्तुष्टिको लागि खाद्यान्न बितरण जारी राखेको छ ।
लहान ४ का अति विपन्न , ज्याला मजदुर संगै भिक्षा मांगी खाने ६० जना परिवारलाई लाई शनिबार समाजसेवी महेश चौधरी र संगिता कर्माचार्यले राहत उपलब्ध गराएका छन। यी दुई जोडीले राहत वितरण कार्यक्रम लाई निरन्तरता दिदै लहान नगरपालिका वडा नं-४ सुन्दरपुरका ३४ घर परिवार र इस्लामपुरका २६ घर परिवार लाई राहत उपलब्ध गराएका छन। समाजसेवी चौधरी र कर्माचार्यले विभिन्न मनकारीहरुको सहयोगमा सनिबार ६० घरपरिवार लाई १० किलो चमाल,१ किलो आलु ,आधि लिटर तेल र १ किलो आयो नून राहत स्वरूप वितरण गरिएको समाजसेवी महेश चौधरीले जानकारी दिएका छन्। नेपाल सरकारले जारि गरेको लकडाउन देखिको अवस्था देखि नै गरिब ,असहाय ,एकल महिला ,दैनिक ज्याला मजदुरी गर्ने हरुको पहिचान गरि राहत उपलब्ध गराउदै आइरहेका छन।
