मनोज बनैता, सिरहा, ५ जेठ । सरकारको अकर्मण्यताका कारण सीमाविवाद यथावत रहेको जनता समाजवादी पार्टीका नेता उपेन्द्र यादवले आरोप लगाएका छन। संघिय संसदमा बोल्दै नेता यादवले लिपुलेक, महाकाली, सुस्ता लगायतका विवाद सरकारले कुटनैतिक तवरले समाधान गर्नुपर्नेमा हालसम्म सिन्को नभाँचेको बताएका छन ।
संसदमा नेता यादवले व्यङ्ग्य गर्दै ओली सरकारलाई पानी जहाजको अस्तित्व सार्वजनिक गर्न समेत माग गरेको छ । यादवको अनुसार हाल यो मुलुकमा चार प्रमुख संकटहरू छन : स्वास्थ, मानवीय, आर्थिक र राजनीतिक संकट। यस्ता संकटलाई सम्बोधन गर्नु निर्विकल्प कै अवस्था हो । सरकार महामारीको बेला संबेदनसिल नहुनुले ठूलो संकटको सन्देश दिन्छ । उनले भने देशमा आईसोलेशन वार्ड, औषधि लगायतका मेडिकल सामानको अभाव भएको बेला सरकारले हातमा हात राखी बस्नु भनेको गैरजिम्मेवारी हो । त्यसैगरी उनले सरकारद्वारा लकडाउन गरिनु बाहेक हालसम्म केही नगरिएको टिप्पणी गरेका छन ।
