मनोज बनैता, सिरहा, १३ जेठ । ६४औं दिन देखि लागातारको लकडाउनमा मजदुर बिपन्न लाई चुल्हो बाल्न समेत अप्ठ्यारो परेको बेला लहानका एक समाजसेबी जोडीले अन्नदान लाई निरन्तरता दिएको छ । हाल सम्म उनीहरूले दुई सय क्विन्टल चामल , एक हजार लिटर खाने तेल लगायतका समग्री बितरण गरिसकेको समाजसेबी महेश चौधरीको दावी छ ।
निजि तथा केहि सहयोगी हातहरुको आर्थिक योगदानले यस अभियानमा सफलता पाईएको समाजसेवी जोडी द्वय महेश चौधरी र संगिता चौधरीले स्विकारेका छन । उनिहरु लहान नगरपालिकाका वडा नम्बर – १ देखि –२४ सम्मका बिपन्न परिबारको घरमा अन्नदान गर्न पुगेको स्थानीय बताउँछन् ।
करिब २ हजार बिपन्न परिवारलाई प्रति परिवार १० किलो चामल , १ किलो नुन , आधा लिटर खानेतेल , सोयाबिन लगायतका दैनिक उपभोग्य सामग्रीहरु वितरण गरेको समाजसेवी कर्माचार्यले बताईन । अमेरिका र अस्ट्रेलियामा बसेका उनका छोराछोरीले भने आर्थिक सहयोग गरिरहेको समेत उनले भनिन ।
यसैबिच सोमबार सिरहाको लहान नगरपालिका वडा नम्बर –२३ मा ५० घर बिपन्न परिबारलाई राहत बितरण गरेको खबर छ । गाढा टोलका मल्लिक , सदा , चौधरी लगायतका बिपन्न परिवार मजदुरहरुलाई राहत दिईएको हो । आईतवार वडा नम्बर– १२ जटीयाही टोलका ३५ घरपरिबार बिपन्नहरुलाई राहत दिईएको थियो । राहतमा प्रतिपरिबार १० किलो चामल , १ किलो नुन , आधा लिटर खानेतेल , २५० ग्राम सोयाबिन लगायतको राहत सामग्री दिईएको उनिहरुले जनाए ।
निरन्तर राहत बितरण गरेको भन्दै उनिहरु लाहान २३मा सम्मानित भएको छ । नेपाल पत्रकार महासंघ सिरहा शाखाका सभापती दिनेश्वर प्रसाद गुप्ताका आमा वुवाबाट उनिहरु सम्मानित भएको हो । प्रमेश्वर साहु गुप्ता र पार्बती देबी बनिया बाट जाडीद्धय सम्मानित भएको उनका कान्छो छोरा (पत्रकार) बिरेन्द्र प्रसाद नेपालले जनाए । मधेशी गम्छा ओढाएर उनिहरुले जोडीद्धयलाई सम्मान गरेको हो ।
