मनोज बनैता, लहान, १५ जेठ । लकडाउनको समय उपयोग गरी लहान नगरपालिका धमाधम सडक निर्माण र नहर उकासमा जुटेका छन । लाहानमा सिचाँईको लागी कैयौं वर्ष अगाडि खनिएका नहर अत्तिक्रमण गरि बनाईएका पर्खाल तथा टहराहरु भत्काईदै पुनः नहर खन्ने काम ले तिब्रता पाएको छ ।
लहान नगरपालिका -३ मा कुशवाहा चौकदेखी बलान खोला सम्म नाला उकास शुरु भएको जानकारी प्राप्त भएको छ । हल्का वर्षामा पनि पानी जम्ने साथै नगर भित्र रहेका किसानको बालीनाली समेत नष्ट हुने व्यापक गुनासो पछि नहर खन्न थालिएको नगर प्रमुख मुनि साह सुडीले जानकारी दिए । प्रत्येक वर्ष हुने अत्याधिक वर्षाका कारण गाउँ लगायत कैयौं बिघा जग्गा डुबानमा पर्ने गरेका छन् । मेयर साह दैनिक रुपमा काम चलिरहेको ठाउँमा आफैं पुगी निरिक्षण गर्दैगरेको स्थानीय बताउँछन् ।
नहर उकास तथा सडक निर्माणमा लाहान- ३ का वडा अध्यक्ष राम दयाल महतोलगायत वडा सदस्यहरु दिनरात खटेको जसपा का युवा नेता ललित नारायण महतोले जानकारी दिएका छन । जनगुनासो लाई सम्बोधन गरि भईरहेको नहर उकासलाई विभिन्न पार्टीका नेता तथा कार्यकर्ताले सकारात्मक लिएका छन । उकासिदै गरेको नहर बलान नदिमा जोडीने एक स्रोतले बताए ।
