मनोज बनैता, सिरहा, १८ जेठ । जनता समाजवादीका शिर्ष नेता राजेन्द्र महतोले सरकारद्वारा जारी बजेटमाथी असन्तुष्टि जाहेर गरेको छ । नैतिकता गुमाएको सरकारले आफ्नै चरित्र अनुसारको बजेट ल्याएको भन्दै नेता महतोले संसदमा घोर बिरोध गरेका छन।
बजेटले सिमान्तकृत समुदायलाई झन पछिपारेको भन्दै लामो समय देखि यस्तै औपनिवेशिक मान्यताको बजेट आईरहेको नेता महतोको टिप्पणी रहेको छ । हरेक वर्ष मधेशी, जनजाती, थारु लगायतका समुदायलाई झन पछि पार्ने खालको बजेट आईरहेको उनको भनाई थियो ।
नेता महतोले कोरोना संक्रमणका बेला सरकार जनताको स्वास्थ्य प्रति संबेदनसिल नभएको आरोप लगाउदै जनता कोरोना भन्दापनी भोकले मरिरहेको अवस्था रहेको प्रष्ट पारेका छन ।
बजेट भाषणमा कोही भोकै रहदैन, कोही भोकै मर्दैन भनिएपनी जनता भोकले मरिरहेको उनले बताए । सप्तरीको टोमलाल मुसहर, धादिङको सुर्यबहादुर तामाङ, धनुषाको वीरेन्द्र यादव भोकै मरेको भन्दै सरकारले नैतिकता गुमाएको भन्ने उनको आरोप रहेको थियो ।
नेता महतोले आन्तरिक बसाइँसराइ बारे बोल्दै भने कि ‘तराई-मधेश मरुभूमि बन्दै छ । ३० लाख मानिस प्रत्येक वर्ष पहाडबाट बसोबासको लागि मधेश झर्ने सिलसिला जारी छ जङ्गल फडानी ले ब्यापकता पाएको छ जुन आउने दिनमा भयावह रुप लिन सक्छ ।’
