मनोज बनैता, सिरहा, २३ जेठ । सप्तरीको बलानबिहुल गाउँपालिका वडा नम्बर -२ मा बिहीवार स्वास्थ्य चौकी र वडा कार्यालय भवनको संयुक्त रुपमा सिल्यानास भएको छ । चन्ही चौक भन्दा करिब ६ सय मिटर दक्षिण रहेको डिहबार थान नजिक उक्त शिलान्यास कार्यक्रम सम्पन्न गरिएको हो ।
बलानबिहुल गाउँपालिकाका अध्यक्ष दयानन्द गोईत र वडा २ का अध्यक्ष बिरेन्द्र गोईतको अगुवाईमा शिलान्यास गरिएको स्थानीय संचारकर्मी रासिन्द्र यादवले जानकारी दिएका छन । वडा २ चन्हीका रबिन्द्र गोईतद्वारा दान गरिएको २ कठ्ठा जग्गा त्यसैगरी भोगान्नद गोईत , अन्जुला देबी गोईत र दिनेश गोईत द्वारा दान गरिएको २ कठ्ठा गरि जम्मा ४ कठ्ठा जग्गामा उक्त भवनहरु निर्माण गरिने जानकारी गा.पा का स.ईन्जिनियर सन्तोष रजकले न्युज मधेशलाई जानकारी गराएका छ्न ।
प्राकृतिक रुपले श्रृङ्गारिएको उक्त ठाउँमा सामाजसेबी, बुद्धिजीवी, पत्रकार , वडा सदस्यहरु, लगायत स्थानीयवासीको रोहवरमा शिलान्यास गरिएको थियो । शिलान्यास कार्यक्रममा वडा नम्बर ५ का वडा अध्यक्ष बिन्देश्वर यादव , बरिष्ठ समाजसेबी तथा पुर्व गाबिस अध्यक्ष अरुण कुमार गोईत सामाजसेबी नागेश्वर यादबको समेतको उपस्थिती रहेको थियो । शिल्यानास पुजा हिन्दुधर्मको बिधी बिधान अनुसार पण्डित अछ्मितलाल चौधरी ले गरेका थिए ।
