मनोज बनैता, सिरहा, २७ जेठ। जनता समाजवादी पार्टीको संघिय परिषद्को अध्यक्ष डा बाबुराम भट्टराई नै भएको कुरा जसपाका नेता मृगेन्द्र सिंह यादवले बताएका छन ।
नेता भट्टराईको नाम पार्टीमा नेपालको राजनीतिमा विभिन्न अडकलबाजी भईरहदाँ नेता यादवले संघिय परिषद्को अध्यक्ष वहाँ नै हुने स्पष्ट परेका हुन् । यादवले भने ‘आज उदारता र महानताको अर्को नाम डा.बाबुराम भट्टराई भएको छ । पद र मर्यादाले मान्छे ठुलो हुँदैन भन्दै नेता भट्टराई ले दिन खोजेको सन्देशले मधेस लगायत समग्र देशमा उनको लोकप्रियता बढेको छ ।
यादवको अनुसार नेता भट्टराईले पछिल्लो चरणमा समाजवादी पार्टीसँग एकता गरेर देखाएको साहस अद्भुत छ । वहाँको बौद्धिकताले गर्दा पार्टीले संगठन र मुद्दा पाएको छ साथै मधेसवादीहरुले बौद्धिकता र कुशल रणनीतिकार पाएको छ ।
दोस्रो निर्वाचन पश्चात्त देशलाई नेतृत्व दिने वैकल्पिक शक्ति बन्छ भन्नेमा कुनै द्विविधा नरहेको यादवको भनाई रहेको छ ।
बरिष्ठता, सन्तुलन र पार्टीको समान हैसियतका आधारमा महन्थ ठाकुर र उपेन्द्र यादव अध्यक्ष बनाइएको र समावेशिताका लागि अशोक राईलाई तेस्रो बरियतासहित बरिष्ठ उपाध्यक्ष बनाएको नेता यादवले बताए।
