मनोज बनैता
सिरहा, ३२ जेठ । जनता समाजवादी पार्टीका नेता राजेन्द्र महतोले संसदमा प्रश्न गरे कि मधेसी समुदायले देशभक्ति र राष्ट्रवादी को लागि कति पटक अग्नि परीक्षा दिनुपर्ने हो? प्रत्येक मधेशी जनताले सेना भएर नेपाली भूमिको रक्षा गरेको छ भन्दै किन मेधेशीलाई राष्ट्रियताको पक्षमा बोल्दैन भनेको भनेर प्रश्न गरे । महाकाली सन्धी कसरी भयो ? पार्टी पनि फोडेर पारित कसले गर्यो ? ती राष्ट्रघाती होइनन् ? के मधेशीलाई राष्टघाती भन्ने ? उनको प्रश्न थियो ।
सबै नेपाली जनता आफ्नो भूमिप्रति सजग र सम्वेदनशिल छ भन्ने कुरा सबैलाई थाहा छ । यो कुरा व्यवहारले पनि देखाउन सक्नुपर्छ । राष्ट्रियताको सवालमा सबैले एकलौटी राष्ट्रियता देखाउने होईन बरु यसले त सबै नेपालीलाई समेटनु पर्ने हो ।
महतोले कता कता राष्ट्रियताको विषयमा मधेशीले पनि मत दिन्छ र ? भनी सोच कुण्ठाले भरिएको सोच भएको स्पष्ट पारे ।
उनले नक्साको विषमया मधेश केन्द्रित दलहरुले पनि प्रधानमन्त्री र सत्तारुढ दललाई पनि एकमत दिएकै हो । यसैबेला हामीले यो संविधानका प्रतिको असन्तुष्टि त राख्न पाउनुपर्यो नि । त्यसैले आफ्ना एजेण्डाहरुलाई समेट्नका लागि हामीले पनि अर्को विधेयक ल्याएका हौँ ।
उनले जनता समाजवादी पार्टीले वर्तमान संविधानप्रति अनेकन असहमतिका बाबजुत सहर्ष समर्थन गरेको बताए । आफ्नो देशको भूमिका लागि हामी पनि संवेदनशिल छौँ उनले भने ।
