मनोज बनैता
सिरहा, ३ अषाढ । सिरहा जिल्लाका लाहान नगरपालिका प्रवक्ताले आफ्नो समाजिक सन्जाल फेसबुकमा पोस्ट गरेको बिबादास्पद बयानले सम्पुर्ण नगरपालिका माथी प्रश्न चिन्ह खडा गरेको छ । फेसबुक प्रयोगकर्ता ले समाजिक संजाल तताएको अवस्था रहेको छ ।
दुई दिन अगाडि लाहान नगरपालिका का प्रवक्ता राज कुमार साहले पोस्ट गरेका थिए कि ‘ समानुपातिक सान्सद सरिता गिरीलाई सान्सद पदबाट निलम्बन गरिएकोमा लाहान नगरपालिका खुशी ब्यक्त गर्दछ ” जुन अहिले नगरभरी चर्चाको बिषय बनेको छ । प्रवक्ता साह ले ब्यक्तिगत रुपमा नलेखी उक्त पोस्टमा आफ्नो दर्जा समेत लेखेको हुनाले स्थानियले नगरपालिका माथी शंका गर्नु स्वभाविक हो एक जना स्थानिय बिरेन्द्र साहले भने ।
प्रवक्ता साहले पोस्ट गरेकै भोलिपल्ट नगरपालिकामा बुझ्दा त्यहाँका स्रोतले त्यस्तो कुनै खुसियाली नमनाएको दावी गरे । संजालमा साहको व्यापक आलोचना पश्चात् उनले फेसबुकबाट आफ्नो दर्जा हटाई केही शब्द परिवर्तन गरे । उनले लेखे ‘समानुपातिक सान्सद सरिता गिरीलाई सान्सद पदबाट निलम्बन र कार्यवाही गर्ने प्रक्रिया अघि बढेकोमा लाहानले खुशी ब्यक्त गर्दछ’
शब्द परिवर्तन पश्चातपनि प्रवक्ताको बिरोध कायम रहेको ले उनले आफ्नो बिबादास्पद पोस्ट हटाएको छ । एक जना फेसबुक प्रयोगकर्ताले भनेका छन “यो कस्तो राजनितिक संसकार हो ? लहान नगरपालिकाले कहिले निर्णय गरेकोछ ? सार्बजनिक हुनु पर्यो ? त्यसैगरी अधिकान्स युवाले प्रतिक्रिया दिएका छन कि नगरपालिका राजनैतिक अखाडा हैन भनेर प्रवक्ता लगायत सबैलेबुझ्नु पर्छ ।
