मनोज बनैता
सिरहा, ८असार । सिरहाको औरहीमा हालै आएको नागरिकता बिधेक खारिज गर्नुपर्ने भन्दै जनमत पार्टीले बिरोध प्रदर्शन गरेका छन । विरोधमा उत्रेका औरही गा.पा का युवाहरूद्वारा विधेयकको प्रतिलिपी समेत जलाईएको छ ।
समाजिक दुरीलाई ख्याल गर्दै जनमत पार्टीका युवाहरूले मार्च पास गर्दै कोणसभा गरेका थिए । ०६३/६४ को मधेशी आन्दोलन बाट प्राप्त उपलब्धिलाई कोरोना महामारीको मौका छोपेर दुइ तिहाईको नश्लवादी सरकारले मधेसीको अधिकार खोस्न लागेको भन्दै कडा रुपले बिरोध जनाएका छन।
राहत पाउन पनि नागरिकता माग्ने देशमा सात ७ बर्ष पछि नागरिकता दिए उक्त महिला बाट जन्मिएको बच्चा ले जन्मदर्ता चाँही कहिले पाउने , बिद्यालय भर्ना कहिले हुने , पासपोर्ट र भिजा कहिले पाउने भन्दै विद्यार्थी जनमत संघका केन्द्रिय सदस्य दिपेन्द्र यादबले प्रश्न गरे। बारम्बार मधेसी समुदाय प्रती बिभेद भैरहेको भन्दै सरकार नसच्चिए कडा रुपले आन्दोलन गर्ने भन्दै चेतावनी दिएका छन ।
कार्यक्रममा जनमत पार्टी गा. पा. प्रमुख पंकज सिंह , वार्ड न. १ अध्यक्ष देबेन्द्र यादब , विद्यार्थी जनमत संघका अध्यक्ष पोसन यादब , केन्द्रिय सदस्य दिपेन्द्र कुमार यादब लगायतले आआफ्नो धारणा राखेका थिए।
