मनोज बनैता
सिरहा, ११ असार । बहुमतको दम्भमा नगरसभा गर्न लागेको भन्दै नेपाली काङ्ग्रेस लाहानले कार्यक्रम बहिष्कार गरेका छन । लहान नगरपालिकाले आगामी आ.ब. को लागि गरेको छैटौ नगर सभा एकलौटी ढंगले भईरहेको भन्दै नेपाली कांग्रेसले असहमती जनाएका हुन ।
मनमौजी रुपमा कामकाज गरिरहेको भन्दै नेपाली काङ्ग्रेसका नगर सभापति नेता सुनिल महतोले मेयर साह को रवैया प्रति असन्तोष ब्यक्त गरेका छन । महतो ले भने “बिना नागरिक भेलाको वडा स्तरीय योजना छनौट हुनु, सामीप्यताको आधारमा वडामा बजेट बाँट्फाट हुनु” आदिले मेयर मुनी साहको नियत स्पष्ट देखिन्छ ।
त्यसैगरि वडा ६ का वडा अध्यक्ष अरुण केसी ले भने “नगरपालिकाले लक्षितवर्गको कार्यक्रम कमिसनको लोभले आफ्नै आसेपासे मार्फत गराएको छ जुन हाम्रो चासोको विषय बनेको छ ।”
