मनोज बनैता
लाहान,१९ असार । सिरहाको लाहान ४ मा पर्ने सुकुम्बासी टोल ईस्लामपुर र सुन्दरपुर बाढीको उच्च जोखिममा छ । बलान नदिले ईस्लामपुर नजिकको बाँधलाई आधी कटान गरे पश्चात् उक्त दुई गाउँका स्थानीय त्रसित बन्न पुगेका छन । बलान नदिले आफ्नो वहावको दिशा परिवर्तन गरे संगै नजिकैको गाउँहरुमा त्रास सृजना भएको छ ।
ईस्लामपुर र सुन्दरपुर नजिकैको बाँध भत्किन लागेपछि स्थानीय गाउँवासीले सरोकारवालालाई गुहारेका छन । सुचना पाउने बित्तिकै लाहान ४ का वडा अध्यक्ष रामनाथ पण्डित शुक्रवार बिहानै कटान क्षेत्र अवलोकन गर्न गएको जानकारी प्राप्त भएको छ । अध्यक्ष पण्डितले ईलाका प्रहरी कार्यालय लाहान, जिल्ला प्रहरी कार्यालय सिरहा, ईलाका प्रशासन कार्यालय लाहान, जिल्ला प्रशासन कार्यालय सिरहा, लाहान नगरपालिका लगायतका सरोकारवाला निकायलाई जानकारी गराईसकेको उनको निकटतम स्रोतले बताएको छ ।
सुन्दरपुर र ईस्लामपुरको जम्मा ६२ घरपरिवारलाई डम्पिङ क्षेत्र नजिक बास ब्यवस्थापन गर्ने योजनाबारे छलफल भईरहेको सुचना प्राप्त भएको छ । स्थानीयले नगरपालिजका लाई तत्कालै ब्यवस्थापनको लागि अनुरोध गरेका छन । अध्यक्ष पण्डितले दिएको जानकारी अनुसार जिल्ला प्रशासन कार्यालयको टोलीले आज कटान क्षेत्रको अवलोकन गर्नेछ । अवलोकन पश्चात् स्थानीय जनप्रतिनिधि संग समन्वय गरि जोखिममा रहेका स्थानीयको उचित ब्यवस्थापन गर्ने छलफल समेत हुने भएको छ ।
