मनोज बनैता
सिरहा, २८ असार । लाहान १३ स्थित भोटियाटोल नयाँ बस्तीमा केही दिन अगाडि भएको झगडामा एक वडा अध्यक्षलाई षड्यन्त्रपुर्वक फसाउन लागेको स्थानीयको गुनासो रहेको छ ।
महिलाहरू बिच भएको सामान्य विवादमा त्यहीँ बसोबासगर्ने सुखीपूर नगरपालिका ४ का वडाध्यक्ष राम लोभित यादवलाई मुछ्ने खेल भईरहेको स्थानीयले बताए ।
स्थानीय ममता यादव र वडाध्यक्ष यादवकी बुहारी रीता यादव र रेखा यादव बीच भएको लछारपछारमा सामान्य रुपमा घाइते भएकी ममता यादवलाई अध्यक्षले तत्कालै ६० हजार उपचार खर्च दिएको थियो । टोलमा प्रायजसो झगडा मिलाउन प्रयास गर्ने अध्यक्ष यादवलाई उल्टै फसाउने षड्यन्त्र भईरहेको त्यहीँका स्थानिय कृष्ण शर्मा र रागनी सिंह दुनुवारको भनाई रहेको छ । राजनैतिक पुर्वाग्रहको शिकार बनी आफुबाट दश लाख रकम मागेको र नदिए चरित्रहत्या गरिदिने धम्की ममता यादवबाट आएको अध्यक्ष यादवले पत्रकार सम्मेलन मार्फत सार्वजनिक गरेका छन ।
महिलाहरू बिच भएको झगडाको बेला आफू उपस्थित पनि नरहेको भन्दै आफू माथि छल भईरहेको अध्यक्ष यादवको असन्तुष्टि रहेको छ । समाजको झगडा मिलाउने माथि नै अनेक आरोप लाग्नु कुन्ठित मानसिकता भएको भन्दै पत्रकार सम्मेलनमा उपस्थित लहान २२ का वडाध्यक्ष विन्देश्वर यादवले गुनासो गरे । उनको अनुसार ममता यस अघि पनि विभिन्न बहानामा छिमेकी संग झैझगडा गरेकै हो अहिले आएर उनी राजनैतिक छवि भएका ब्यक्तितवलाई बिनाकारण फसाउन खोजेकी हुन । पत्रकार सम्मेलनमा उपस्थित लहान १३ का वडाध्यक्ष इश्वर वस्नेत ले समेत ममताको षड्यन्त्रलाई चिर्नु पर्ने आवश्यकता रहेको औल्याए ।
