मनोज बनैता
सिरहा, १ साउन । सिरहाको पोखरभिण्डा स्थित कब्रीस्तानलाई घेरबार गर्ने उद्देशले पर्खाल निर्माण गरिएको छ । सिरहा क्षेत्र नं १ ख काे प्रदेश सांसद अशोक कुमार यादव को सकृयतामा उक्त निर्माण कार्य सम्पन्न भएको जानकारी प्राप्त भएको छ ।
लक्ष्मीपुर पतारी गाउँपालिका २ स्थित पाेखरभिण्डामा करिव ८ कठ्ठामा फैलिएको कब्रीस्तान संरक्षणकाे लागि सांसद यादवले अार्थिक वर्ष २०७६/०७७ काे प्रदेश सभा सदस्य पुर्वाधार विकास कार्यक्रम अन्तर्गत ६ लाख ५८ हजार बराबरको बजेट छुट्याएको थियो ।
उपभोक्ता समितिकाे अध्यक्ष माेमताज मियाँले भने “दिनदिनै कब्रीस्तानको जग्गा अतिक्रमण भईरहेको बेला सांसद यादवले पर्खाल निर्माणमा चासो लिनु गौरवको कुरा हो ।” त्यसैगरी युवा नेता यादव ले आफ्नो क्षेत्रमा दर्जनौ यस्तै खालको दिर्घकालिन विकासको कार्यलाई अगाडि बढाएको सुमेश यादवले जानकारी दिएका छन ।
नेता यादवद्वारा ल्याईएको बजेटमा सखुवानन्कारकट्टी – ३ मा ५०० मिटर जति आरसिसी ढलान ईटहर्वाकाे पाेखरीमा क्रेटिङ्ग तथा घाट निर्माण,भगवानपुर गर्साहामा खानेपानी याेजना,सरहन्चियामा धर्मशाला निर्माण,हरिनगरामा कलभट निर्माण र महेशपुरमा कृषि विधुतीकरण जस्ता दर्जनौं याेजनाहरु निर्माणको अन्तिम चरणमा रहेकाे जानकारी प्राप्त भएको छ । प्रत्येक निर्माण काममा नेता यादव आफै पुगेर पटकपटक अनुगमन गर्ने गरेको एक स्थानीय भोगेन्द्र यादव बताउँछन् ।
