लहान, १ श्रावण । सप्तरीको सुरुङ्गा नगपालिका –५ को वडा अध्यक्षको कार्य कक्षमा बनिगामाका स्थानियवासीहरुले अश्चितकालका लागि तालाबन्दी गरेका छन् । तालाबन्दीका कारण सेवाग्राही चम मारमा परेका छन् ।
वडा अध्यक्ष अरहुलिया देवी पासवानले विकासिय बजेटमा व्यापक भेदभाव गरेको भन्दै बनिगामाका स्थानियवासीले वडा कार्यालयमा अनिश्चतकालीन तालाबन्दी गरेका हुन । हामीहरुको माँग पुरा नभए सम्म तालाबन्दी जारी रहने स्थानिय दुर्गा प्रसाद चौधरीले जानकारी दिए ।
गाँउमा आरसिसि ढलानका लागि बारम्बार वडा अध्यक्ष पासवानलाई आग्रह गर्दा समेत वडा अध्यक्ष पासवानले बेवास्ता गरेका कारण बाध्य भएर वडा कार्यलयमा तालाबन्दी गर्नु परेको समाज सेवी देवकी चौधरीले बताईन । वडा अध्यक्ष मोम्हद सिल्टु मियाँलाई केहि महिना अघि अख्तियार दुरुपयोग अनुसन्धान आयोगले घुस सहित प्रक्राउ गरेपछि मियाँको स्थानमा वडा सदस्यमा निर्वाचित अरहुलिया देवी पासवानले वडा अध्यक्षको कार्यभार समाल्दै आएकी छिन ।
