०५ फाल्गुण २०८१, मंगलबार
18-02-2025 , Tue
×

अनावश्यक रुपमा भिड लागिरहने सहिद चौकको तरकारी बजार सुनसान, लकडाउनमा थप कडाई

Logo
प्रकाशित आइतबार, भाद्र ०७, २०७७

मनोज बनैता
लाहान, ७ भदौ । चिया पिउने, पान गुटका खाने, राजनैतिक गफगाफ गर्ने लगायतको भिड भईराख्ने शहीद चौकको तरकारी बजारमा लाहान प्रहरीले उच्च निगरानी राखेको छ । सामाजिक दुरीलाई धज्जी उडाउने गरि बिहान र बेलुका हजारौंको भिड लाग्ने सहिद चौकको दक्षिणपट्टीको तरकारी बजार दुई दिन देखि सुनसान बनेको छ ।

दैनिक उपभोग्य वस्तु लगायत खाधान्न खरिद गर्नेहरुको लागि तोकिएको समय बिहान ७ देखि ९ बजे भन्ने  लकडाउन खुकुलो गरिएपनी अन्य समयमा लाहान प्रहरीले निगरानी बढाएको हो । ईप्रका (क) लाहानका डिएसपी शरत थापा  ले माईकिङ्ग गर्दै स्थानीयलाई लकडाउन सफल  पार्नुको साथै अनावश्यक भिडभाड नगर्न अनुरोध गरेका छन । शुक्रवार लहानको इलाका प्रहरी कार्यालयमा कार्यरत प्रहरी निरीक्षक सहित २२ प्रहरी, ८ थुनुवा र २ स र्वसाधारण गरी ३२ जना कोरोना संक्रमित थपिएपछि शनिबार बिहानदेखि इलाका प्रहरी कार्यालय लहानले लहान क्षेत्रमा लकडाउन थप कडा बनाएको हो ।

ईलाका प्रहरी कार्यालय लहान र सशस्त्र प्रहरी बल सुरक्षा बेस क्याम्प लहानको संयुक्त टोलीले लहान १ स्थित तरकारी बजार, पूर्व–पश्चिम लोकमार्गको सहिद चोक तथा बजारका भित्री भागमा अत्यावश्यक बाहेकका सवारी साधनको आवतजावत रोकेको हो । नेपाल प्रहरी र सशस्त्र प्रहरीले कडाइ गरेपछि लहानका सडक तथा बजार क्षेत्र सुनसान बनेका छन् ।

पूर्वपश्चिम लोकमार्ग अन्तरगतको सडक तथा भित्री सडकमा जरुरी काम बाहेकका सवारी साधन चलेका छैनन् । लहान क्षेत्रमा रहेका सबै बजार पसल पनि बन्द रहेका छन् । सिरहाको प्रमुख व्यापारिक केन्द्र मानिने लहान क्षेत्रमा नगरपालिकाले लकडाउन शुरु गरेको आज १६ दिन पुगेको छ ।

कमेन्ट गर्नुहोस्
सम्बन्धित

वीरगन्ज : मधेश प्रदेशका मुख्यमन्त्री सतिशकुमार सिंहले मधेस प्रदेशमा जनमत पार्टीको नेतृत्वमा नयाँ सरकार बनेपछि मधेसी जनतामा नयाँ आशा पलाएको बताएका छन् । पर्साको जगरनाथपुर गाँउपालिका वडा नम्बर ४ सुहपुरमा आइतबार जनमत पार्टीले आयोजना गरेको बृहत पार्टी प्रवेश कार्यक्रमलाई सम्बोधन गर्दै मुख्यमन्त्री सिंहले यस्तो दाबी गरेका हुन् ।मधेस प्रदेशमा विगत ७ वर्षदेखि जकडिएका कामहरु आफनो […]

जनकपुरधाम,१८ असोज। मधेश प्रदेशको सत्ता गठबन्धनले प्रदेशमा भएका राजनीतिक नियुक्तिको समीक्षा गर्न समिति गठन गरेका छन् । शुक्रबार बसेको प्रदेश सत्ता गठबन्धनको बैठकले प्रदेश सरकार मातहतमा रहेका संस्था, संयन्त्र र निकायमा राजनीतिक नियुक्ति प्राप्त गरेका पदाधिकारीहरूको सँख्या, नियुक्त पदाधिकारीका कार्यअवधि, कामकाजको प्रभावकारिता आदि विषयमा अध्ययन, विश्लेषण र मूल्यांकन गर्नेगरी एक समितिसमेत गठन गरेको छ । […]

जनकपुरधाम । मधेस प्रदेशका मुख्यमन्त्री सतिशकुमार सिंहले जनकपुरधाम क्षेत्रमा अतिक्रमणमा परेको गुठी संस्थानको जग्गा प्रदेश सरकारको मातहतमा ल्याइने बताएका छन् । मुख्यमन्त्री सिंहले जनकपुरधाम उद्योग वाणिज्य सङ्घको आयोजनामा आज यहाँ सुरु गरिएको ‘सस्तो बजार’को उद्घाटन गर्दै अतिक्रमणमा परेको गुठीको जग्गाको सदुपयोग गर्न त्यसलाई प्रदेश सरकारको मातहत ल्याउन पहल भइरहेको बताए । उनले जनकपुरधामको ५२ बिघा […]