सिरहा, १० भदौ । सिरहा औरहीका शिवजी यादवले आफू राम्रो काम गरेतापनी राजनैतिक पुर्वाग्रहका शिकार भएको गुनासो पोखेका छन । औरही ५ बस्ने यादवले केहि दिन उनी विरुद्ध लगाईएको ठगीको आरोप कपोकल्पित एवं निराधार रहेको दावी गर्दै आफुले नखाएको विष लागेको भनी आफ्नो दु:ख पोखेका छन ।
यादव द्वारा मंगलवार औरहीमा गरिएको पत्रकार सम्मेलनमा उनले आफूलाई नियोजित रुपमा फसाउन खोजीएको भन्दै आक्रोश समेत पोखेका छन । उनले औरही वडा ४ बस्ने महेश सदाय, राम भजन सदाय र फुलो देवी सदाय ले लगाएको आरोप पुर्णतः निराधार रहेको दावी गरेका छन । विपद परेको बेला गरिबको सहाराको रुपमा सदैव खडा रहने शिवजी यादव माथि आरोप लाग्ने प्रयास हुनु फोहोर राजनीति हो भन्दै अधिकांश स्थानियले बताएका छन । महेश सदायको कान्छो भाइ सुमेश सदायले आफ्नो दाजु महेसले शिवजी संग एडभान्सको रुपमा पैसा लिएको स्विकारेका छन । औरही -४ ईटाटार टोलका ७० वर्षिय राजेश्वर सदाय र शिवु सदायले शिवजी यादवले एडभान्स रुपैया दिएर सहयोग गरेका रामभजन सदाय र महेश सदायले न त काम गरे न त रुपैया नै फिर्ता गरे उल्टै शिवजिमाथी झुठो आरोप लगाएको ले यो कुनै नेताको काम हुनसक्ने भन्दै आरोप लगाएका छन । राजेश्वर सदायले थपे ” उनिहरुले यस्तो काम गरे आपद विपदमा अब कसैले हामीमाथी विस्वास गर्दैन र हामी गरीबलाइ कसैले आर्थिक लेनदेन गर्दैन।”
त्यसैगरी औरही -५ मा भेला भएका महिला पुरुष सदायहरुमध्ये सुरजी सदाय, झालो सदाय, गुलाव सदाय लगायतले शिवजी यादवमाथी झुठो आरोप लगाइएको भन्दै असन्तुष्टि पोखेका छन । शिवजी यादबकै सहयोगमा राइसमिलमा काम गर्ने लेबरहरु जख्मी सदाय र नन्दी सदायले रामभजन सदाय त्यही सेलरको एक कामदारको मोबाइल चोरेर भागेको भन्दै शिवजी यादबमाथी लगेको आरोप सरासर गलत हो भन्दै सहि तथ्य छानबिनको लागि सरोकारवाला संग माग गरेका छन । 
