सिरहा, १७ भदौ । डिजिटल प्रविधि जडान लगायत अत्य आधुनिक कार्ययोजना ल्याई केही समय देखि चर्चामा आईरहेका लाहान नगरपालिका वडा ७ ले बुधबार देखि “फुड बैंक” संचालनमा ल्याएका छन । वडा ७ कार्यालय र उक्त वडा स्थित परोपकार युवा क्लब को सन्युक्त आयोजनामा गरिएको कार्यक्रम लाहानका मेयर मुनि साह सुडीले उद्घाटन गरेका छन ।
कोभीड १९ माहामारीलाई ख्याल गर्दै जारी गरिएको बन्दाबन्दीले दैनिक ज्यालादारी गरि खानेलाई धौधौ परेको कारण उक्त कार्यक्रम शुरु गरिएको जानकारी वडा अध्यक्ष राकेश रोशन गुप्ताले दिएका छन । गुप्ताको अनुसार खाना वितरण बिहान १०:०० बजे देखि १२:०० बजे र बेलुकी ६:०० बजे देखि ७:३० बजे सम्म गरिनेछ । सके दियेर जाऔं, नसके लिएर जाऔं भन्ने मुल मन्त्रलाई आत्मसात गर्दै उक्त कार्यक्रम शुरु गरिएको नेता गुप्ताको भनाई रहेको छ । वडा ७ र परोपकार युवा क्लवलाई तत्काल सहयोग गर्ने अम्बिका अफसेट प्रेस लहान र स्माईली रेष्टुरेन्ट एण्ड बार लहानलाई नेता गुप्ताले धन्यवाद ज्ञापन गरेका छन र मनकारीहरुलाई समेत सहयोगको लागि अपील गरेका छन । गुप्ताको अनुसार कार्यक्रम भाद्र २७ गते सम्म निरन्तर चल्नेछ जसमा जो कोहीले (समस्यामा परेका) खानाको पैकेट लिएर जान पाउनेछन ।
कार्यक्रम संचालनको क्रममा नगरप्रमुख मुनि साह सुडी, वडा न.७ का अध्यक्ष राकेश रोशन गुप्ता ,वडा ८ का वडा अध्यक्ष बिजय कुमार महतो , जनता समाजवादीका नेता राकेश झा, स्थानीय युवा, बुद्धिजीवी, पत्रकारहरुको उपस्थिति रहेको थियो ।
