१२ जेठ २०८१, शनिबार
25-05-2024 , Sat
×

बच्चालाई आमाको दूध कति आवश्यक ?

Logo
प्रकाशित आइतबार, साउन २६, २०७६

आशा अधिकारी ,जनकपुरधाम।हरेक विवाहित महिलाका लागि आमा बनेपछि अर्को ठूलो खुशी भनेकै आफ्नो सन्तानलाई गराउने स्तनपान नै हो । आफ्नो बच्चालाई आफ्नै छातिमा टाँसेर स्तनपान गराउन पाउँदा एउटी महिलालाई जुन अपार खुशी र अपनत्वको अनुभव हुन्छ, त्यो अरु कुनै पनि कुराबाट अनुभव हुन सक्दैन ।

त्यसैले त भनिन्छ, स्तनपानले आमा र बच्चाबीचको ममतालाई अझ प्रगाढ बनाइदिन्छ । चिकित्सकले पनि हरेक आमालाई स्तनपान गराउन सल्लाह दिने कारणहरु मध्ये यो पनि एक हो ।

स्तनपान गराउनु शिशु र आमा दुबैलाई मानसिकका साथै स्वास्थ्यको हिसाबले पनि फाइदजनक हुन्छ । स्तनपानको गराउनुका धेरै फाइदा हुँदाहुँदै पनि अहिलेका आमाहरुले आफ्ना शिशुलाई विभिन्न कारणले गर्दा स्तनपान गराउँदैनन् । स्तनपानको संस्कृति बिस्तारै कम हुँदै गएको छ भने शिशूलाई बोतलको दुध खुवाउने चलन बढ्दो छ । आज हामी तपाईंहरुलाई स्तनपानका फाइदाहरुको बारेमा केही जानकारीहरु दिदैछौ ।

पचाउन सजिलो

स्तनमा पहिलादेखि नै बनेर बसेको दूधले शिशुको पाचन प्रकृयालाई बलियो र विकसित गर्न सहयोग पुर्‍याउँछ । त्यसका साथै उक्त दूधले शिशुलाई अन्य क्रियाकलाप गर्न पनि सहयोग गर्छ । बोतलको दुध खाने शिशुभन्दा स्तनपान गर्ने शिशुलाई कब्जियत हुने र पाचन सम्बन्धि समस्य हुँदैन्ा ।

रोगसँग लड्ने क्षमता

स्तनपानमा समावेश भएको एन्टिबायोटिकले शिशुलाई रोग प्रतिरोधक क्षमता अर्थात रोगसँग लड्ने क्षमता निर्माणमा मद्दत गर्छ । जसले शिशुलाई संक्रमण, झाडावान्ता, दम, मोटोपना, एलर्जी जस्ता रोगहरु लाग्नबाट बचाउँछ ।

मस्तिष्कको विकास

स्तनपान गराउनाले तपाईंको शिशुको मस्तिष्कको प्रारम्भिक विकासमा पनि सहयोग पुर्‍याउँछ । जसका कारण बच्चा चलाख र तेजिलो हुन्छ ।

क्क्ष्म्क् अर्थात सडन इन्फ्याट डेथ सिन्ड्रोमको शिकार हुनबाट बचाउँछ

जुुन शिशुले स्तनपान गरेको हुन्छ, उसमा सडन इन्फ्याट डेथ सिन्ड्रोम हुने सम्भावना कम हुन्छ । सडन इन्फ्याट डेथ सिन्ड्रोम एउटा त्यस्तो स्थिति हो, जसले शिशु पीडित हुने कुनै लक्षण देखिदैन्ा, तर ओछ्यानमा राखेपछि मृत अवस्थामा पाइन्छ ।

स्तनपान गराउने आमालाई पनि फाइदा

स्तनपान गराउँदा आफ्नो सन्तानसंगको सम्बन्ध झन् गहिरो हुँदै जान्छ । यसका साथै आमा र बच्चाबीचको एउटा अद्वितीय भावनात्मक बन्धन बनाउन सहयोग गर्छ । बच्चा जन्मेपछि हुने रक्तश्रावलाई पनि राक्न मद्दत गर्छ । बोतलको दुध भन्दा स्तनपान सस्तो र छिट्टो हुनुको साथै पोषक तत्वहरु समावेश हुन्छ ।

रक्तश्राव कम गर्छ

स्तनमा रहेको दुधले अक्सीटोसिन नामक एक किसिमको हार्मोन पनि छोड्छ,जसले गर्भाशयलाई सहि आकारमा आउन सहयोग गर्छ । त्यसबाहेक प्रसवपछि अत्याधिक रक्तश्राव कम गर्न सहयोग गर्छ ।

आमालाई पनि रोग लाग्नबाट बचाउछ

बच्चा जन्मेपछि बढेको आमाको शरीरको तौल तिव्र गतिमा घटाउन सहयोग गर्छ । स्तनपान गराउनाले गर्भाशय र डिम्बग्रन्थिको क्यान्सरको साथ-साथै स्तन क्यान्सरको जोखिमलाई पनि कम गर्छ ।

कमेन्ट गर्नुहोस्
सम्बन्धित

जनकपुरधाम । सरकारी, गैरसरकारी संस्थाको जागिर छाडेर पाँच जना युवा मिलेर एउटा मात्र गाई किनेर सुरु गरेको व्यवसायबाट अहिले करोडौँको कारोबार भइरहेको छ । यसरी जागिर छोडेर तत्काल बेरोजगार भएका युवाले गाई किन्दा घरपरिवारबाट असहयोग मात्र होइन सबैले पागल भइस् भन्थे । तर पनि दह्रो विश्वास, दृढ सङ्कल्पका साथ २०६९ मा ७२ हजार रुपियाँमा किनेको गाईको नाम […]

जनकपुरधाम । डा.सीके राउत नेतृत्वको जनमत पार्टीमा आफ्नो अधिकार प्राप्तिका लागि दर्जनौं महिलाहरु पार्टी प्रवेश गरेकी छिन् । शहिदनगर नगरपालिका-५ हरबरामा आयोजित एक कार्यक्रमबीच नेपाल कम्युनिस्ट पार्टी (एकीकृत समाजवादी) की नगर सदस्य शिला देवी मण्डल ,नेकपा एमालेकी अमृती कुमारी मण्डल ,दुलारी देवी शर्मा,आशा मण्डलले प्रवेश गरेको विद्यार्थी जनमत संघ धनुषा अध्यक्ष बिरेन्द्र यादवले बताए । […]

जनकपुरधाम । नागरिकता कीर्ते सम्बन्धी कसुरमा पक्राउ परेका कान्तिपुर मिडिया ग्रुपका अध्यक्ष कैलाश सिरोहियाको पक्षमा आज वरिष्ठ अधिवक्ताहरू जनकपुरधाम आएका छन् । धनुषा जिल्ला अदालतले प्रहरीलाई अनुसन्धान गर्न तीन दिनको म्याद दिएको थियो । आज प्रहरीले पुनः म्याद थप्न सिरोहियालाई अदालत ल्याएपछि उनको पक्षमा बहस गर्न वरिष्ठ अधिवक्ताहरू जनकपुरधाम आएका हुन् । वरिष्ठ अधिवक्ता शम्भु […]