मनोज बनैता, सिरहा, ५ जेठ । यसो त गरिबीको कारण दिनहुँजसो हजारौं ले ज्यान गुमाउने गरेको सुन्न पाईन्छ तर नेपालमा यस्तो भनेको नौलो जस्तो लाग्छ । तर, यो यथार्थ घटना हो लाहानको जहाँ छिमेकी देश भारतको राजस्थानबाट एक दम्पती आफ्नो काखे बच्चाको साथ आउछन् । श्रीमान हैदर अली र उनको श्रीमति सडकमा आफ्नो कला देखाएर छाँक टार्दै गईरहेको हुन्छन । अलिको लामो बसाइँ ले उनको सम्पर्क स्थानीय सङ्ग हुन जान्छ । श्रीमान र श्रीमति आफ्नो बच्चालाई यहीँ हुर्काएर उनको उज्ज्वल भविष्यको सपना बुन्न थाल्छन्।
त्यतिबेलै चाईनाको वुहान सहर बाट शुरु भएको कोरोना भाईरसको महामारी ले गर्दा संसारभरी नै हाहाकार मच्चाउन थाल्छ । यता हैदर अली को सडकको व्यापार लकडाउनले गर्दा ठप्प हुन्छ । भारतबाट तबलिकी जमातीको कारणले कोरोना फैलियो भन्ने अफवाहले अदृश्य रुपमा समाजमा विभाजन ल्याउँछ । अलीलाई चिन्ने ले पनि नचिनेको जस्तो गर्छ । अली र उनको जहान न यता न उताको हुन्छ । न त उनीहरू आफ्नो देश भारत नै जान पाँउछन न त यहाँ बस्न । रोजीरोटी बन्द भएको ले उनी भिक्षा मागी मागी केही दिन आफ्नो गुजारा गर्छन ।
एक दिन लाहान ५ का एक समाजसेवी एवं नेता महमुद आलमले हैदर अलीलाई पिडाको कारण ले सडकको पेटीमा छ्टपटाई रहेको देख्छ । छेउमै बसेकी अलीको श्रीमती रुदै गुहार लगाईरहेकी हुन्छिन । आलम ले त्यो दृष्य देख्न सक्दैन र अलीलाई तुरुन्त रा.उ अस्पताल पुर्याउछ । आकस्मिक वार्डमा उनको उपचार शुरु हुन्छ । आलमले त्यतिबेला थाहा पाउछन् कि रमजानको कारण ले उनीहरू केही खाएका छैनन् । उनले सबैको लागि तुरुन्त खानाको ब्यवस्था गर्छ र भोलिपल्ट बिहान फेरि आउने वचन दिन्छ ।
भोलिपल्ट आलम अस्पताल जादा अली ले मृत्युवरण गरिसकेको हुन्छ । मृतक अलीको छेउमा उनको श्रीमती असमन्जसतामा हुन्छ कि अब के गरु? उनी घरी आफ्नो श्रीमानको पार्थिव शरीर तिर हेर्छिन घरी आफ्नो बालकको अनुहार तिर । आलम ले त्यो दृष्य हेरेर थाम्न सक्दैन र भकानो पारेर रुन थाल्छ । अन्तमा उनले कुनै साईनो नभएपनी अलीको लासलाई मुस्लिम रितिरिवाज अनुसार अन्तिम संस्कार गर्छन । हाल स्वर्गीय अलीको परिवार समाजसेवी महमुद आलमको सम्पर्कमा हुनुहुन्छ ।(यो वास्तविक कथा महमुद आलम ले भनेको अनुसार जस्ताको त्यस्तै)
